MAI KAKA'AKO: FA'AALIGA O LE FA'AMALOSIA O TULAFONO

SAMOAN LANGUAGE VERSION OF NOTICES DISTRIBUTED TO FAMILIES IN KAKA'AKO

(HONOLULU)--O se va'aiga lea i fa'aaliga sa tufatufaina i Kaka'ako i totonu o le Sitete a Hawai'i i 'aiga Samoa o lo'o papaa'ao i nofoaga ia e ta'u mo "homeless encampments." Sa molimau mai e nisi o lo'o nonofo fa'atasi ma 'aiga Samoa i Kaka'ako, e maua le tolu selau 'aiga ua a'afia i le galuega a le Matagaluega o Facility Maintenance o le Itumalo ma le a'ai o Honolulu. O le Aso Tofi, le aso 8 a Oketopa sa faia se asiasiga a Faletuiga i Ka'akako.

O le fa'aaliga o fa'apea:

"O le a fa'amalosia e le Matagaluega o Facility Maintenance ole Itumalo ma le a'ai o Honolulu o tulafono o ala savali (Sidewalk Nuisance Ordinance) ma Meatotino o Tagata (Stored Property Ordinance) pei ona faatulafonoina i le tausaga 1990, ma suiga Mataupu 29: vaega 16 & 19, e aloaia fa'atulagaia e tusa ai "ma nofoaga."

O le Aso Lua, Setema 8, 2015 amata i le va o Ohe Street ma Cooke Street, ma Ilalo Street e o'o atu i Ala Moana Boulevard. O le a fa'amalosia le aveesea o meatotino o tagata o lo'o i laueleele (o meatotino o le City o Honolulu) pei o fale ie ma meatotino a tagata o lo'o maua i ia nofoaga. O le a aveesea uma ia meatotino mai le auala itu tai o Ala Moana Boulevard e o'o i le matafaga poo le sami.

O lo'o iai le tautua a le O'ahu Homeless Help Card e mafia ai ona fesoasoani ia te oe mo mataupu e lagolago atu ai le social services.

Fa'amolemole lava ia ave ese uma a outou meatotino (small personal electronic devices, mobility devices and medications, mo fualaau ma vailaau) aemaise fo'i o ni au mea faaaogaina i aso uma, o meatotino e pei o pepa aso fanau, o laisene ave ta'avale, po'o pepa mo lau soifua maloloina (health care documents). Ia sauna ona tapena ese mai o ia nofoaga, a ala savali ma i si meatotino a le city o Honolulu, ae le'i o'o i le aso ua fa'atulagaina e fa'amalosia ai tulafono. Afai e le usita'ia o ia fa'aaliga ma fautuaga i mea o i ai a outou meatotino i taimi e fa'amalosia ai ia tulafono, o le a aveesea ma lafoa'i.

O meatotino ia e pei o lau pepa, o laupapa, o mea taumafa (mea 'ai) e le'i aveeseina, o le a aveesea pe lafoa'i i le aifaigaluega o le malo. Afai e iai pea sau meatotino ua tuai ona ave ese i ala savali ma i si meatotino o le city o Honolulu i taimi e fa'amalosia ai ia tulafono, o le a teuina i taga a'o fa'amamaina e le aufaigaluega o le malo. Afai e faamalosia tulafono ia e le SPO -- Stored Property Ordinance ma le SNO--Sidewalk Nuisance Ordinance, 'aua ne'i fa'alavelave a'o fa'atino galuega a e malo. Afai e te fa'alavelave e mafia ona tuuina atu oe i le tulafono."

Fa'afeso'ota'i mai le Faletuiga i tinamataafa@gmail.com.